Featured Post

Korean Phones වල Network Mode හදන හැටි

සෑහෙන කාලෙකින් ලියන්නේ මේ ටෙක්නිකල්  පෝස්ට් එකක්.අවුරුදු 10කට විතර කලින් මේ බ්ලොග් එක පටන් ගද්දි නම් හිතුවේ ටෙක්නිකල් දේවල් , එදින්නෙදා මාත්...

Monday, 24 April 2017


දුන්න තේකට සීනි වෙනුවට
කළපු ලුණු හැන්දක්ම වැටීයං..
ආයුබෝවන් කියන මොහොතේ
බුලත් හෙප්පුව බිම පෙරලීයං..
කොයිතරම් ලස්සන උනත් මදු මට
ඌට වස කැත ලෙසට පෙනීයං..


පරපුරේ පම්පෝරි දොඩවන
අම්මාගේ කටවචන ගිලියං..
කැස්ස හැදිලා ආත්තම්මට
වාත පිත තරගයට කිපියං..
මල්ලි පණ්ඩිතට වෙලාවට
නොයෙන්නට වාහනේ කැඩියං...
නොකල හින්දා වැරද්දක් මට
අප්පච්චිට වෙන වැඩක් වැටීයං..

මකුළු දැල් නැන්දම්මා දෑසට
කිතුල් මල් වගේම පෙනීයං..
නොහොබිනා හරුපයක් කියවී
කාගේ හරි හිත තදට රිදියං..
මගුල එහෙනං තින්දුයි දැං
කීවොතින් හොර කපුවා එසැණින්
අළුත්  නෑ කං සබා මැද්දේ
අනේ ඕකගේ සරම කැඩීයං..
මොකක් හරි හේතුවක් හින්දා
අමුඩේ අමතක වෙලා තිබියං
අළුත් නෑ කං හැදෙනු වෙනුවට
අලුත් විරසක හැදීයන්..





5 comments :

හිතට එන ‍ඕන දෙයක් ඕන විදියකට ලියන්න